Harta e sitit

faqja e pare > shkolla dhe formimi

10 bursa studimi nga Komuna e Aleksandrise

Publikuar 2.4.2008

Nje burse studimi prej 10.000 eurosh ne favor te studenteve te huaj, per marrjen e nje diplome apo te nje Masteri prane Politeknikumit te Torinos. Do te jene 30 veta ata qe do te perfitojne prej financimit te ofruar nga Bashkia e Aleksandrise ne kuadrin e projektit te internacionalizimit, Alessandria Kampus Project.

Ky kontribut ekonomik parashikohet te shkoje per te regjistruarit ne kurset trevjeçare ne Inxhinierine e Lendeve Plastike, Inxhnierine Elektrike ose Mekanike dhe ne Master te nivelit te pare ne Inxhinierine e Gureve te Çmuar, prane selise se Aleksandrise te Politeknikumit.

Ne kushtet kryesore perfshihen: perveç shtetesise joitaliane, nje titull studimi qe eshte marre ne fund te nje periudhe shkollore prej te pakten 12 vjetesh per diplomat trevjeçare, dhe te pakten 15 vjetesh per Masterat, njohja e gjuhes italiane (dhe angleze per Masterat), dhe te mosqenet i regjistruar ne Politeknikumin e Torinos para vitit akademik 2008/2009.

Per paraqitjen e kerkeses duhet bere regjistrimi ne kursin e deshiruar, duke perpiluar formularin online ne adresen http://apply.polito.it, brenda 30 majit 2008. Per me teper, kandidatet duhet te bashkangjisin nje dokumentacion specifik ne funksion te kursit qe duan te ndjekin. Per informacione te metejshme, vizitoni adresen http://international.polito.it/it, seksioni “Supporto economico”.

Kjo inciative eshte nje pergjigje ndaj vemendjes ne rritje qe Politeknikumi i Torinos po i kushton dimensionit internacional. Krahu Piemontez i universitetit strehon aktualisht studente qe vijne nga 93 vende te botes. Nese marrim parasysh totalin e te regjistruarve per vitin akademik aktual, te cilet behen 4800 vete, mund te themi se studentet e huaj kane dyfishuar prezencen e tyre ne krahasim me vitin 2006, duke arritur ne 10 % te te regjistruarve.