Harta e sitit

faqja e pare > shendeti dhe sociale

Ndihma e pare dhe frymemarrja artificiale

Publikuar 17.4.2008

Frymemarrja artificiale eshte konsideruar gjithmone nje nga proçeset me themelore te ndihmes se shpejte per rastin e nje personi qe ka pesuar pushim zemre. Por, sipas rekomandimeve te American Heart Association, publikuar ne revisten Circulation, aplikimi i ketij proçesi tashme duhet ridimensionuar seriozisht, per te mos thene eleminuar. Flitet gjithmone per rastin kur personat qe japin ndihmen e pare nuk jane njerez te profesionit dhe si te tille mund te gabojne.

Sipas studimeve te fundit del se nuk duhet humbur kohe duke alternuar frymemarrjen me shtypjen e gjoksit, por duhet proçeduar menjehere me 100 shtypje ne minute pa nderprerje ne qender te kafazit te kraharorit. Ne kete moment duhet vepruar me vendosmeri e shpejtesi pa patur frike se mund te shkaktojme ndonje dem sepse edhe po te duam nuk kemi c’te demtojme me teper. Pra, e thene shkurt, shtypja e gjoksit me shpejtesi merr perparesi kundrejt frymemarrjes artificiale.

Nderkohe qe Roberto Ferrari, kardiolog ne Universitetin e Ferraras dhe president i Shoqates Europiane te kardiologjise, shkon me tej duke sugjeruar se, per faktin qe shume prej ndalimeve te zemres shkaktohen nga fibrilacion ventrikular, ja vlen qe para masazhit kardiak t’i japesh pacientit nje goditje ne qender te gjoksit per te “ndezur’ perseri motorrin. Goditja ne kete rast funksionon si nje lloj defribilatori.

Rianimacioni kardio-polmonar mund te dyfishoje shanset per mbijetese te personit qe ka pesuar pushim zemre, por vetem nje e treta e pacienteve qe pesojne kolaps e marrin ndihmen e pare nga ata qe kane rrotull. “Nuk mund te themi se frymemarrja artificiale nuk vlen per asgje – thote kardilogu Ferrarri – ne duart e nje eksperti, masazhi sherben per te pompuar gjak ne zemer dhe frymemarrja per te oksigjenuar gjakun.”

Shpesh, ata qe duhet te japin ndihmen e pare i kap paniku dhe humbin minuta te çmuara duke mos ditur çfare te bejne. Here te tjera, per te bere frymemarrjen artificiale, ata nderpresin masazhin duke e bere keshtu me pak te efektshem ate. Ekziston gjithashtu dhe frika nga infeksione meqe shpesh pacientet jane njerez te panjohur per ata qe duhet te japin ndihmen e pare.

Sa per dijeni duhet thene se keto procedura nuk duhen aplikuar tek nje person qe eshte mbytur ne det a liqen sepse me pare duhen çliruar mushkerite nga uji. E njejta gje vlen edhe per personat qe ju ka rene te fiket prej abuzimit me drogen. Ne keto raste eshte me mire te therrasesh urgjencen.