Muzeu Egjiptian ose Museo Egizio ne Torino, njesoj si ai i Kajros, i dedikohet krejtesisht artit dhe kultures se Egjiptit Antik. Shume studiues me fame nderkombetare, i pari nder te cilet ishte deshifruesi i hieroglifeve, Jean-François Champoillon, qe arriti ne Torino ne 1824-en, ju perkushtuan studimit te koleksioneve te ketij muzeu duke vertetuar keshtu ate qe shkroi me pas Champoilloni: “Rruga per ne Menfi e Tebe kalon nga Torino.”
Muzeu i Egjiptit perbehet nga nje teresi koleksionesh te cilat kane ardhur ne kohe te ndryshme dhe atyre u jane shtuar edhe objektet e gjetura gjate kerkimeve ne Egjipt te kryera nga Misioni Arkeologjik italian ne periudhen 1900-1935. Sipas kriterit te asaj epoke ne lidhje me kerkimet arkeologjike, objektet e gjetura ndaheshin mes Egjiptit dhe misioneve arkeologjike. Sipas kriterit te sotem, te gjithe objektet arkeologjike mbeten ne Egjipt.
Objekti i pare i ardhur ne Torino eshte Mensa Isiaca. Behet fjale per nje tryeze altari ne stilin egjiptian qe ka gjasa te jete realizuar ne Rome gjate shekullit te pare pas Krishtit per nje tempull te Isides dhe qe u ble nga Carlo Emanuele I i Savojes ne 1630-en. Ne vitin 1724, Vittorio Amedeo II i Savojes themeloi Museo della Regia Universita di Torino, prane pallatit te Universitetit ne via PO dhe i dhuroi nje koleksion te vogel te antikitetit qe vinte nga Piemonte. Ne 1757-en, Carlo Emanuelle III i Savojes, per te pasuruar muzeun e Universitetit, ngarkoi Vitaliano Donatin, nje profesor botanike, qe te bente nje udhetim ne Orient dhe te blinte ne Egjipt objekte antike, mumje dhe doreshkrime qe mund te ilustronin domethenien e vete tryezes se altarit. Objektet e mbledhura nga Donati, mes te cileve tre statuja te medha, mberriten ne Torino ne 1759-en dhe u ekspozuan ne Museo della Regia Universita ku ne 1755-en u vendos dhe Mensa Isiaca.
Muzeu i Egjipit Antik u themelua zyrtarisht ne 1824-en, vit ne te cilin Carlo Felice I Savojes bleu nje koleksion te madh objektesh te mbledhura ne Egjipt nga Bernardino Drovretti. Ky i fundit, qe ishte me origjine piemonteze, kishte shkuar pas Napolon Bonapartit gjate disa prej fushatave te tij ushtarake dhe per merita te veçanta, perandori e kishte emeruar Konsull te Frances ne Egjipt. Drovretti, fale miqesise me mekembesin e mbretit te Egjiptit, Mohamed Ali, arriti te transportoje ne Evrope objektet e mbledhura. Koleksioni qe Drovretti i shiti Carlo Felice perbehet nga 5.268 objekte (100 statuja, 170 papiruse, pllaka varri, sarkofage, mumje, hajmali dhe objekte te jetes se perditshme).
Objekti i fundit me rendesi qe u sigurua nga Muzeu eshte tempulli i Elesijas qe ju dhurua Italise nga Republika Arabe e Egjipit ne vitin 1970 .
Ne sallat e Muzeut te Egjiptit ne Torino jane te ekspozuara sot rreth 6.500 objekte dhe mund te thuhet pa frike se ai eshte muzeu i pare ne bote per kulturen egjiptiane pas atij te Kajros.
Orari i vizitave per periudhen e dimrit eshte nga e marta deri te dielen prej ores 8:30 deri ne 19:30.
Ndersa orari veror eshte nga e marta deri te dielen, prej ores 09:30 deri ne 20:30.
Çmimi i plote i biletes eshte 7,50 euro, e reduktuar, 3,50 ( per personat 18-25 vjeç)
Bileta eshte falas, per moshat nen 18 vjeç dhe te moshuarit mbi 65 vjeç si dhe per invalidet.
Per vizita ne grup dhe shkolla, prenotimi eshte i detyruar.
Per te prenotuar dhe per te marre informacion, mund te telefononi ne numrin 011/440 6903 (nga e hena deri te premten prej ores 9deri 13/ 14.30 deri 17.00, ndersa te shtunen 9.00-13.00).
Per te prenotuar ose per informacion direkt mund te komunikoni me fax ne numrin 011/506 9814, ose me adresen email info@museitorino.it.
Adresa web e muzeut eshte www.museoegizio.it
Via Accademica delle Scienze, 6 – 10123 Torino; tel. 011 561 7776; fax 011 562 3157