Komuniteti shqiptar
Këtë vit në Sallonin Ndërkombëtar të Librit në Torino, do të jetë e pranishme edhe Shqipëria falë një hapsire të organizuar nga Qendra e Kulturës Shqiptare. Hapsira ekspozuese do të inaugurohet më datë 16 maj në orën 12.30 nga ambasadori i Shqipërisë në Romë, Neritan Ceka dhe gjate ditëve të Panairit do të ketë një sërë takimesh me autorë të ndryshëm shqiptarë dhe italjanë. [13.5.2013]
Nga datat 4 dhe 6 Prill 2013, Qendra e Kulturës Shqiptare ka njoftuar publikun torinez për një takim artistik-kulturor me temë:“Një vështrim mbi Shqipërinë”. Kjo nismë u realizua nën kujdesin eAmbasadës së Republikës së Shqipërisë në Itali, me rastin e përfundimit të ekspozitës “Thesaret e trashëgimisë kulturore shqiptare”, e cila u hap në Torino, Palazzo Madama, nga datat 24 Janar - 7 Prill 2013. [15.4.2013]
Në datën 3 qershor 2012 nxënës, prindër dhe mësues të shkollës shqipe “Scanderbeg” në Parma mbyllën me sukses vitin shkollor, i treti që nga hapja e shkollës shqipe. Sikurse është bërë traditë mbyllja e vitit shkollor përkon me "Festën e 1 Qershorit", kështu që dy gëzimet bashkohen në një festë të përbashkët. [19.6.2012]
Shtegtimi shpirtëror i mërgimtarëve shqiptarë në Itali, kalon edhe nëpër Gjenacan: tashmë ky është cak i përhershëm shtegtimi për bashkësitë e reja, të lindura në të katër anët e Italisë, prej nga mblidhen çdo vit, të dielën e fundit të majit, rreth ikonës së Zojës së Këshillit të Mirë, që ruhet prej pesë shekujsh në shenjtëroren e Gjenacanit, kushtuar Nënës së Krishtit. Sipas gojëdhënës, kur Shkodra ishte në prag të pushtimit turk, dy engjëj e morën Zojën nga Shenjtërorja bri Rozafës dhe e mbartën në Itali, për ta shpëtuar nga rreziku i
dhunimit
Pelegrinazhi organizohet çdo vit nga Dom Pasquale Ferraro dhe në të marrin pjesë bashkeqytetarë shqiptarë nga Torino, Cuneo, Savigliano, Saluzzo, Alba dhe nga zona të tjera të Piemontes. Pas një ecjeje të shkurtër e cila shoqërohet me këngë e lutje, vijon mesha e shenjtë në gjuhën shqipe e kryesuar nga prifti arbëresh Dom Ferraro. Pas meshës, një kokteil mes të pranishmëve, u jep atyre mundësine për takime e përshendetje të përzemërta ndërmjet tyre.
Galleria fotove nga pelegrinazhi i sotëm në Castiglione Tinella
[7.5.2012]
Humbet jeten ne Asti ne menyre te parakohshme, piktori Albert Stermolli, lindur ne Tirane me 26 maj 1957. Ceremonia mortore zhvillohet te shtunen, date 10 mars 2012, ne oren 14 e 30 ne Frazione Sessant 36, Asti. [9.3.2012]
Gazeta "Fjala" e muajit Shkurt 201. E permuajshmja eshte organ periodik informues i bashkesise katolike shqiptare "Nene Tereza". Ne brendesi te faqes mund te klikoni e te lexoni periodikun ne format pdf. [20.2.2012]