Të Shtunën 28 Nëntor 2009, në orën 20.30, në Konservatorin “Giuseppe Verdi” në Piazza Bodoni, Torino, violinistja soliste Suela Mullaj dhe maestro Massimo Palumbo paraqesin “Balada e Përtejdetit & të Mëdhejtë e Europës”, koncert për violinë dhe piano.
Koncerti, i organizuar nga Shoqata Kulturore Italo-Shqiptare Vatra dhe nga Zyra e Përfaqësimit e Dhomës së Tregtisë së Tiranës në Torino, nën patronazhin e Ambasadës së Shqipërisë në Itali dhe të Qytetit të Torinos, propozohet me rastin e Festave Kombëtare të Shqipërisë.
Programi i mbrëmjes parashikon muzikë nga kompozitorët e mëdhenj europjanë Ludwig Van Beethoven: Sonata in Re Maggiore Op. 12 Nr.1, Joseph-Maurice Ravel: Sonata in Sol, Ottorino Respighi: Tre Pezzi per Violino e Pianoforte dhe prezantimin për herë të parë në Torino të Baladës së autorit Shqiptar Pjetër Gaci, kompozitor dhe violinist, autor i veprave te para soliste te muzikes instrumentale shqiptare per violine.
Eventi muzikor organizohet në kuadër të projektit “Festivali i Kulturës Shqiptare”, i realizuar me mbështetjen e Rajonit të Piemontit, që synon promovimin dhe vlerësimin e pasurisë artistike, kulturore dhe letrare të popullit Shqiptar.
Koncerti është realizuar me bashkëpunimin e F.I.A.P., Federata e Shoqatave Shqiptare, Italo-Shqiptare dhe Arbereshe të Piemontit, të Fondacionit UECO (United Europe Chamber Orchestra) dhe të shoqatave “Vatra Arbëreshe” dhe “Shkodra Life”.
Hyrja në koncert është e lirë
Adresa:
Conservatorio “Giuseppe Verdi”
Piazza Bodoni, Torino (linee GTT: 1-9-18-34-35-52-61-64-68)
Për më shumë informacion:
Benko Gjata
Shoqata Kulturore Italo-Shqiptare Vatra
Via Piazzi 12, 10123, Torino
Cel. +39 339 3376951
Fax +39 011 6060412
E-mail vatra@hotmail.it