Harta e sitit

faqja e pare > aktiviteti privat

Aktiviteti i punës së pavarur

Publikuar 20.12.2006

Qytetari i huaj i cili kërkon të ushtrojë në Itali një aktivitet të vazhdueshem pune të pavarur (lavoro autonomo), industriale, artizanale o tregtare, pra në rast se ka si qëllim të ndërtojë një shoqëri kapitalesh o personash, ose të kete mundësi të bëjë pjesë në shoqëri financiare të ndryshme, duhet të përmbushë të gjitha kërkesat morale e profesionale që kërkohen nga ligji njëlloj si për qytetarët italianë, për ushtrimin e aktiviteteve të vecanta, bashkë me detyrimet për shkruajtjen nëpër urdhëra profesional dhe nëpër regjistre kur kërkohet.

Për të ushtruar një profesion është e nevojshme njohja e titullit profesional kur ky i fundit është kryer në një shtet i cili nuk bën pjesë në Bashkimin Europian.

Për sa i përket një profesioni sanitar edhe kur bëhet fjalë për aktivitet jo të vazhdueshëm, kërkohet njohja e titullit nga ana e Ministero della Salute (Ministria e Shëndetësisë).

Për sa i përket profesioneve që varen nga Ministero della Giustizia (Ministria e Drejtësisë) , procedura e njohjes së titullit kryhet në Direzione Generale degli Affari Civili, Ufficio VII- Reparto Internazionale (Drejtoria e Përgjithshme e Cështjeve Civile ), në bazë të kritereve të direktivave 89-4 e 92-51 CCE te cilet disiplinojnë procedurat për qytetarët komunitarë.

Ndër profesionet në varësi të Ministrisë së mësipërme bëjnë pjesë: avokatët, tregtarët , biologët, kimistët, agronomët, gjeologët, inxhinjerët, agjentët tregtarë, psikologët, asistentët socialë, menaxherët, agroteknikët, gjeometrat, specialistët agrarë, specialistët industrialë, gazetarët.

1. Qytetari i huaj duhet t’u kërkojë edhe nëpërmjet ndonjë personi të ngarkuar prej tij, autoritetit pëkatës administrativ për lëshim licencash, autorizimesh ose i caktuar për vërtetimin e kërkesave të nevojshme per aktivitetin të cilit i duhet një shkruajtje ne regjistër , një deklaratë që vërteton se nuk ekzistojnë pengesa për lëshimin e autorizimit që lejon kryerjen e aktivitetit. Deklarata duhet të jetë lëshuar jo më parë se tre muajt e fundit nga kërkesa.
2. Kërkon një vërtetim në përputhje me kërkesat e aktivitetit që do të ushtrohet. Ky vërtetim lëshohet nga Dhoma e Tregëtise kompetente për territorin, vetem nëse aktiviteti që do të zhvillohet është aktivitet sipërmarrës, dhe të jetë e mundshme regjistrimi në librin e firmave siç parashikohen në artikullin 2188 të kodit civil.

2a) Për aktivitetet e regjistruara në urdhërat përkatës , vërtetimi lëshohet edhe nga c te urdhri i atij profesioni. Për ato aktivitete autonome për të cilat nuk ekzistojnë zyra ku të regjistrohen dhe që nuk kanë detyrime liçencash ose autorizimesh, nuk kanë detyrime për senjalizime të fillimit të aktivitetit, ose detyrime regjistrimesh nëpër urdhëra profesionalë (p.sh. aktiviteti i konsulentëve, edhe me kontratë bashkëpunimi të kordinuar e të vazhdueshëm) për të cilat nuk mund të përcaktohet zyra administrative kompetente për lëshimin e vërtetimit të mospasjes së pengesave për zhvillim aktiviteti dhe për pasjen e mundësive për kryerje aktiviteti , duhet të kenë:

• kontratë të rregullt, e shoqëruar, në rast se është lidhur me një firmë italiane , me një çertifikatë regjistrimi në regjistrin e bizneseve [registro delle imprese], ndërsa në rastin e një firme të huaj, nga një dokument analog i legalizuar nga përfaqësia diplomatike-konsullore italiane competente;
• kopje e një deklarimi formal përgjegjësie, lëshuar në mënyrë preventive ose e dërguar nga ana e firmës ose nga përfaqësuesi ligjor i saj në Drejtorinë Provinciale të Punës[Direzione Provinciale del Lavoro], në të cilën të tregohet se në bazë të kontratës së punës së lidhur nuk do të zhvillohet asnjë lloj raporti pune nën varësi;
• deklaratë e firmës , ku të sigurohet se punëtorit autonom do i jepet një kompensim në pagesë që është më i lartë se minimumi i parashikuar nga ligji për përjashtimin nga pagesa e shpenzimit shëndetësor.
• Kopje e bilancit të fundit depozituar në regjistrin e firmave, në rastin e shoqërive të kapitaleve, ose të deklarimit të fundit të të ardhurave, në rastin e shoqërisë së personave ose në rastin e firmave individuale si dhe në rastin e një aktori jo sipërmarrës,nga e cila rezulton se te ardhurat jane te mjaftueshme për të garantuar kompensimin.

2b) Në rastet e punës autonome që zhvillohet në cilësinë e ortakut ose të administratorit në shoqëri ose në kooperativa që janë aktive nuk kërkohet asnjë vërtetim për parametrat financiarë të referimit. Në keto raste në vend të vërtetimit, të huajit ortak, ose të huajit si subjekt me detyrë socile në aktivitet i kërkohet :

• Certificatë e regjistrimit të shoqërisë në regjistrin e bizneseve [registro delle imprese].
• Kopie e një deklarate formale përgjegjësie , e lëshuar ose e dërguar më përpara nga përfaqësuesi legal , në Sherbimi i Inspektimit të Punës në Drejtorinë Provinciale të Punës [Direzione Provinciale del Lavoro, Servizio Ispezione del Lavoro], në të cilën tregohet që në bazë të kontratës nuk do të ketë asnjë raport pune nën varësi (subordinato).
• Deklaratë e perfaqësuesit legal të shoqërisë që siguron për ortakun që kryen punën ose që ka një detyrë sociale, një kompensim superior të nivelit minimal, të parashikuar nga ligji për t’u përjashtuar nga shpenzimet sanitare.
• Kopie e deklaratës së fundit të të ardhurave , në rast se bëhet fjalë për shoqëri inividësh, nga e cila të rezultojnë të ardhura që lejojnë kompensimin e ortakut të ri.

3. Të disponojnë një vendbanim të përshtatshëm që e vërtetojnë nëpërmjet një kontrate qeraje ose kontratë shitblerje, ose me anë të një deklarate sipas D.P.R.445/200, nga një qytetar italian ose i huaj me dokumente të rregullta qëndrimi, e cila vërteton vënien në dispozicion të të interesuarit një vendbanim brenda rregullave .

Të kenë një të ardhur të ligjshme vjetore më të lartë se niveli minimal të parashikuar nga ligji nën të cilin nuk paguhet shpenzimi sanitar, bazar në të dekretit ministror të 8 tetorit 1986. Ky lloj kushti mund të plotësohet edhe nga një garanci korrisponduese nga entet ose qytetarët italianë ose të huaj që jetojnë rregullisht në Itali , ose duke paraqitur një deklaratë:

• e firmës/shoqërisë së biznesit me anë të së cilës i sigurohet punëtorit autonom një kompensim më i lartë se minimumi i parashikuar nga ligji për përjashtimin nga shpenzimi sanitar,
• e përfaqësuesit ligjor të shoqërisë që siguron për ortakun që i kryen shërbimin ose për subjektin që vesh ngarkesa sociale nje kompensim më të lartë se minimumi i parashikuar nga ligji për përjashtimin nga shpenzimi sanitar.

I huaji i cili përmbush këto kërkesa duhet të kujtohet që:

1. Ti kërkojë Kuesturës competente, edhe nëpërmjet një të ngarkuari prej tij, lejen [nulla osta] provizore për të hyrë në Itali, duke paraqitur dokumentacionin e mëposhtëm:

• Kopje e kërkesës së paraqitur për marrjen e e deklaratës me të cilën vërtetohet që nuk ka motive të cilat pengojnë lëshimin e titullit abilitues ose autorizues.
• Dokumentet e marra së bashku me lëshimin e deklaratës së shpjeguar më sipër
• Deklarata e organit kompetent me datë të tre muajve të fundit
• Vërtetimi nga ana e Dhomës së Tregëtisë [Camera di Commercio] së territorit i parametrave te riferimit [parametri di riferimento]

Nulla osta duhet të lëshohet brenda 20 ditëve nga momenti i marrjes së deklaratave

2. Të kërkohet në Përfaqësuesit Diplomatike italiane në vendin përkatës Viza e hyrjes duke paraqitur:

• Deklaratën e plotë të lejes [nulla osta]
• Vërtetimin e Dhomës së Tregëtisë [Camera di Commercio] ose të organit kompetent
• Disponibiliteti i një vendbanimi të përshtatshëm
• Zotërimi e një të ardhure të mjaftueshme

3. Të kërkojë brënda 8 ditëve nga hyrja në Itali, lejeqëndrimin për punë autonome në Kuesturën competente për territorin